Main Menu

Gjuha


	· English

	· Srpski

Kosova

Ndërmarrjet Publike

Agjencia Kosovare e Mirëbesimit dhe Ndërmarrjet Publike

Misioni

Misioni i Administratës së Përkohshme të Kombeve të Bashkuara në Kosovë ia ka besuar Agjencisë Kosovare të Mirëbesimit (AKM-së) që të administrojë këto Ndërmarrje Publike (NP):

Aeroporti Ndërkombëtar i Prishtinës;
Hekurudhat e Kosovës;
Korporata Elektroenergjetike e Kosovës (KEK);
Ndërmarrjen regjionale të ngrohjes në Gjakovë dhe Prishtinë;
Ndërmarrjet e Ujit, Hedhurinave dhe Ujitjes;
Posta dhe Telekomunikacioni i Kosovës (PTK).

Me një staf të përgjithshëm prej 14,000 njerëzve, NP-të radhiten në mesin e punëdhënësve më të mëdhenj në Kosovë. Kur merret parasysh qarkullimi voluminoz vjetor, ato po ashtu llogariten në mesin e kontribuesve më të mëdhenj të buxhetit të konsoliduar të Kosovës.

Autoriteti administrativ i AKM-së, ashtu siç është përcaktuar në Rregulloren e UNMIK-ut 2002/12, UNMIK Regulation 2002/12 përfshinë “çdo veprim që Agjencia e konsideron të përshtatshëm për të ruajtur dhe rritur vlerën, perspektivën ose qeverisjen e ndërmarrjeve.” Për ta arritur këtë, Agjencia duhet të:

Sigurohet që ndërmarrjet t’i shfrytëzojnë mundësitë e tregut sa më shumë;
Sigurohet që ndërmarrjet menaxhohen për të sjellë profit sa është e mundur;
Sigurohet që kur ndërmarrja të ofrojë një shërbim publik, cilësia e shërbimit të ofruar të jetë sa më e lartë dhe e arsyeshme si dhe të jetë në përputhje me rregulloret e zbatueshme;
Kërkojë pagesat nga subjektet publike që e autorizojnë ofrimin e shërbimeve; kur vlera e shërbimit publik të kryer nuk mund të realizohet në treg.

Korporatizimi

AKM-ja ka lansuar një program kryesor të korporatizimit për t’i transferuar këto ndërmarrje në korporata moderne me subjekte të definuar qartë, qeverisje korporative, dhe struktura të revizionimit. Megjithatë, ky proces po ashtu përfshinë një vlerësim të hollësishëm, shqyrtimin dhe vlerësimin e të gjitha aseteve/detyrimeve ekzistuese, operacionet, kontratat, kadastrën dhe të dhënat tjera zyrtare dhe strukturat menaxhuese, si dhe një sërë çështjesh tjera ligjore, tregtare, dhe financiare.

Qëllimi i një ushtrimi të tillë është që të sigurohet se çdo gjë është e dokumentuar, e regjistruar si duhet dhe saktësisht dhe se asetet dhe kontratat janë identifikuar dhe u janë transferuar subjekteve të duhura, si dhe të dhënat e kadastrave dhe regjistrimet tjera janë azhurnuar apo regjistruar me emrin e saktë.

Deri më tash AKM-ja ka korporatizuar të gjitha NP-të kryesore. Në bashkëpunim me IPVQ-të dhe institucionet e UNMIK-ut, AKM-ja ka emëruar Bordet e Drejtorëve për NP-të, të cilët përbëhen prej anëtarëve të AKM-së, IPVQ-të dhe UNMIK të cilët e mbikëqyrin menaxhimin e NP-ve, planifikimin strategjik dhe votojnë në çështjet kryesore në lidhje me NP-të.

Qeverisja korporative

Pas korporatizimit, Bordet e rregullta të Drejtorëve janë ngritur si trupi më i lartë drejtues/qeverisës në të gjitha NP-të e korporatizuara. PTK-ja, Aeroporti Ndërkombëtar i Prishtinës, KEK, Transko, Hekurudhat e Kosovës, dhe dy ndërmarrjet regjionale të ngrohjes i kanë të themeluara Bordet e Drejtorëve.

AKM-ja po ashtu ka vënë në përdorim politikën e monitorimit dhe kontrollit të donacioneve, që lejon NP-të që në mënyrë të mjaftueshme të menaxhojnë tërë buxhetin e tyre pa marrë parasysh burimin e financimit.

Kosovarizimi

Një hap i madh që është arritur në drejtim të kosovarizimit të NP-ve është arritur me emërimin e Zëvendës Drejtorit Menaxhues vendës nga AKM-ja për NP-të si dhe të gjitha NP-të e korporatizuara kanë emëruar Drejtor Menaxhues vendës.

Planet individuale të suksesionit janë hartuar nga NP-të përkatëse për të kosovarizuar pozitat e larta menaxhuese në këto ndërmarrje. Janë emëruar drejtorë kosovarë në Bordet e NP-ve me të paktën tre anëtarë nga Qeveria e Kosovës (IPVQ-të) në secilin bord të NP-ve të korporatizuara.

Konsolidimi i Ujit, Hedhurinave dhe Ujitjes

Në vitin 2003 dhe 2004, AKM-ja ka kryer në projekt të suksesshëm për konsolidimin e 45 ndërmarrjeve të ujit, ujitjes dhe hedhurinave në 17 kompani regjionale. Ndërmarrjet e ujit, hedhurinave do të korporatizohen në vitin 2007 me fondet nga EAR dhe KfW.

Revizionimi

Vazhdon të realizohet revizionimi i rregullt i NP-ve dhe rekomandimet e revizionit po mbikëqyren nga Bordi i Drejtorëve dhe kompanitë e korporatizuara.

Klikoni këtu për të parë raportet e revizionit të NP-ve (Gjuhe angleze):

Klikoni këtu për të parë Kodin e korporatës për sjellje:

Klikoni këtu për të parë listën e Drejtorëve të Bordeve të Ndërmarrjeve Publike

Klikoni këtu për të parë listën e Drejtorëve të Bordeve të Kompanive të Ujit, Ujitjes dhe Mbeturinave

Faqet përcjellëse: